Псалтирь - Давид царь

2 Гласом моим ко Господу воззвах, гласом моим ко Господу помолихся. 3 Пролию пред Ним моление мое, печаль мою пред Ним возвещу. 4 Внегда исчезати от мене духу моему: и Ты познал еси стези моя: на пути сем, по немуже хождах, скрыша сеть мне. 5 Смотрях одесную и возглядах, и не бе знаяй мене: погибе бегство от мене, и несть взыскаяй душу мою. 6 Воззвах к Тебе, Господи, рех: Ты еси упование мое, часть моя еси на земли живых. 7 Вонми молению моему, яко смирихся зело, избави мя от гонящих мя, яко укрепишася паче мене. 8 Изведи из темницы душу мою, исповедатися имени Твоему. Мене ждут праведницы, дондеже воздаси мне.